為《華燈》豪擲2.5億新台幣 林心如爆最強卡士勁燒錢

2022年01月24日 13:02
東網電視
更多新聞短片
台劇神劇《華燈初上》連續幾周蟬聯台灣排行榜冠軍寶座,如今剩第三季未上畫,但宣傳攻勢做到足,最近總製作人兼女主角林心如就上節目大談新劇,當中佢就提到今次為新劇豪擲2.5億新台幣(約7,030萬港幣),仲由國際平台買下全球獨播,但原來《華》最貴在於強勁卡司,成為劇集燒錢之最!佢直認「小姐」們,位位演員都可以單獨成為每一部戲女主角,要合體其實真係用佢唔少心機同錢銀,就連客串嘅霍建華、徐若瑄、王淨等,一個比一個大卡士,淨係片酬都夠大手筆。
加上後製人員、前期工作人員、美術場景、服裝等,劇組專登搭出一個日式酒店「光」為主場景,刑警楊祐寧返工嘅中山分局,其實都係由一個廢棄警察局改造,加上後期要幫手避晒現代穿崩位,真實還原1988年代環境,成本花費極高。