網傳港台禁播名單　C AllStar：做好自己本分

組合C AllStar被傳「現身」於港台近日的封殺名單之上，今午4子出席公開活動，面對記者追訪，他們說：「呢件事暫時只係一個傳言，所以冇乜特別回應。（港台播少咗你哋啲歌？）我哋做音樂想做好自己本分，真係冇乜特別計算媒體方面嘅播放率，不過其實印象中我哋入行嘅第一年，攞過港台嘅新人獎，以及十大中文金曲，真係好開心，以新人來講係一個好好嘅肯定。傳言依家擺埋一邊先，交由公司同事去了解。（突然傳被禁，估唔估到係咩原因？）未係事實就回應好冇意思，而且我哋記憶嚟講，上年喺港台都有好成績，兩首歌《集合吧！地球保衛隊》同《留下來的人》都得到五台冠軍，當然包括埋港台歌曲榜啦。」