Live Show講多錯多　冼靖峰拎疫情講笑：沙士死剩種

無綫真人騷《聲夢傳奇》捧紅多位新人，令學員人氣高漲有工開，好似學員冼靖峰（Archie）、林智樂（Felix）、蔡愷穎（Lolita）和詹天文（Windy）上星期就一齊去咗個音樂Live Show表演，四人默契十足，除咗大晒唱功外，仲有唔少Chit Chat位，點知就出事。當中Archie多口用咗2003年嘅SARS疫情開玩笑，佢同大家傾開眾人年紀，Felix就話：「我同蔡愷穎都係03年。」Archie就突然講咗一句：「咩03年？即係沙士死剩種呀，係咪呀？」其他三人都即時呆晒，Felix都已經幫手補鑊問：「咩呀？」Lolita則言：「講呢啲？」

隨後Archie即時補鑊，笑住話係講笑：「講笑講笑，哈哈。喂，其實（年紀）都係差少少啫。」不過已經被網友聽入心，紛紛留言大鬧佢拎疫情講笑，更有網友直言感到憤怒，睇嚟佢今次真係講多錯多喇。