東網電視
更多新聞短片
藝人林峯最近返咗香港為新戲開工，原來老婆張馨月都有做跟得老婆嚟咗，佢尋日（27日）就喺短片平台放閃，晒出一段同老公拍拖行街食好西嘅片，繼日前一齊做「超市KOL」之後，兩人又大歎美食，張馨月留言：「空閒的我們就喜歡到處找好吃的，被我們找到一家小店，嘗了忌廉咖喱烏冬麵，還點了一份溫泉蛋牛肉飯。至於地址，等開完通宵班的峯哥睡醒了，我問下，評論區裏給你們。」
上次佢哋做「超市KOL」
今次有炒栗子。
仲去食好嘢。
片中林峯全程都未有露面，不過佢都一直同老婆係咁討論啲嘢食，佢仲買咗包炒栗子畀老婆，氹到佢一臉滿足，而張馨月就由頭食到尾，每次都係大大啖，相反林峯就嗌晒救命話Full咗Quota，不過好明顯Enjoy今次嘅二人世界，仲講埋出口：「我們兩個拍拖來吃飯是對的！」有網民問道點解林峯不出鏡，張馨月就話係為保密新片造型先唔出鏡，護夫心切。
大大啖。
講埋出口拍拖食飯係正確選擇。
不過張馨月就話係為保密新片造型先唔畀老公出鏡。
雖然林峯（右二）個新Look已經曝光過…
