內地開工10個月!黎耀祥返港拍劇:希望年底拍《巾幗4》

2022年01月28日 16:01
東網電視
更多新聞短片
視帝黎耀祥、龔慈恩、蔣祖曼、朱敏瀚、鄭俊弘今日(28日)在將軍澳電視城,為劇集《輕•功》試造型及拜神。去年一直在內地工作的黎耀祥原來已經在內地逗留10個月,今次返港拍劇兼過新年,他說:「一路都有工作喺上面,因為往返要隔離所以一路都冇返落嚟,眨吓眼就10個月。(喺內地做咗好多綜藝節目?)係呀,因為。『大灣仔』嗰班做得幾好,佢哋綜藝節目就想搵啲大灣區嘅演員,咁啱我同鄧萃雯都喺內地,所以一齊做咗3、4個綜藝節目。(《巾幗梟雄4》幾時拍?)依家籌備緊,都籌備咗好耐,好嘅嘢梗係要耐啲,希望年尾拍,《巾幗》班粉絲都等咗好耐,都相隔10年,好難得有一個拍檔可以咁夾。」
至於新劇,黎耀祥透露將在初七將開工,劇中飾演一個昔日動作演員,劇情屬溫情鄰里劇,他指趁開工前可在新年老友敘舊,問人可會相約人氣爆燈的陶大宇敘舊?他說:「大宇哥好好嘅,希望同佢可以喺TVB拍劇,大家都好耐冇合作。」