接力炎明熹做最強新人！鍾柔美出道MV點擊破廿萬

《聲夢傳奇》一班學員人氣爆燈，其中有「翻版鍾嘉欣」之稱嘅鍾柔美（Yumi）近日終於推出個人單曲《Breakin' My Heart》正式出道，成為繼炎明熹（Gigi）、姚焯菲（Chantel）及冼靖峰（Archie）後，第4位有單飛出道作嘅聲夢學員。其新歌MV於前日（5日）首播，當中Yumi化身月亮公主，等待心儀嘅地球男生嘅來電，表現出滿滿嘅少女情懷，更落力跳唱，畫面相當精彩，而MV上架不足1日觀看次數即衝破10萬，至今更已累積逾23萬觀看次數，並攻佔音樂發燒影片第7名，成績理想，相信今年絕對有望衝擊女新人獎項。