7歲仔都玩NFT　陳君宜：冇嘢冇可能

近來個個潮玩的NFT，連7歲小童都話要湊熱潮！名媛陳君宜（Qinnie）現年7歲的寶貝仔Ayden，昨日(11日)推出由他創作的「小元龍」NFT，小元龍樣子可愛，愛玩手機、愛睡，又愛角色扮演扮海盜，造型甚多又調皮。Qinnie笑稱兒子之所以如此緊貼潮流，是「因為佢鍾意畫畫，又鍾意賺錢」成為創作最大的推動力。不過她亦有讚兒子創作過程表現認真，令她意想不到：「佢都畫咗好多日畫，先畫到58隻，要求好高，我有畀意見佢㗎！但佢未必接受，好有自己嘅想法。」她透露「小元龍」現時每個價值300美元（約2,300港元）看來成績不錯，下一輪將會推出「雪條人」，是Ayden想去旅行的投射畫面。

Qinnie對兒子年紀小小便有生意頭腦，覺得現今世上真的沒有不可能，好欣賞新一代有不同的想法，她說：「我教佢用電腦畫板畫畫，佢自己畫，我就幫佢上載和儲存，遲啲我會幫佢印埋Tee，（賺到錢囝囝係咪最開心？）佢話賺到錢會用嚟幫人。」