投訴袁詠儀瘋狂花錢買包　張智霖自爆：我快破產了

藝人袁詠儀（靚靚）出名係「買包狂魔」，已經唔係第1次被老公張智霖（Chilam）抱怨，但呢日Chilam竟然自爆因為靚靚太愛買手袋而搞到佢破產！事緣佢亮相內地節目《哥哥的滾燙人生》，新一集一班哥哥齊齊學習法律知識，其中Chilam搶先發問：「太太如果瘋狂花老公的錢，算不算那個犯法呢？」即時令全場爆笑，就連同場嘅好友陳小春都聽到眼都凸埋，法律顧問就解釋要視經濟收入、家庭條件及太太喜好而定，又表示夫妻對共同財產有平等的處理權，即使太太冇外出工作賺錢都有使用財產嘅權利，更為靚靚護航：「所以如果靚靚買很多包，她很開心，你的日子更好過。」豈料Chilam立即耍手擰頭，仲講笑話：「不，你太看得起我了，我已經快破產了。」認真大膽！