同心抗疫!逾70位藝人錄新歌為市民打氣

20220219
東網電視
更多新聞短片
第五波疫情嚴峻,無綫將會喺今個星期四開始,一連4晚,推出特備節目《爭分奪秒同抗疫》。節目主要為全港市民,提供最新嘅防疫資訊。當中更結合多位藝人同心錄製抗疫歌曲《獅子山下同心抗疫》,向全港醫護打氣!
今次MV會喺今日(19日)晚上11時《爭分奪秒同抗疫》節目首播,歌曲以《獅子山下》原曲為藍本,重譜歌詞,不少歌手以及藝人都有份參與,當中包括:林子祥夫婦、葉麗儀、蘇永康、李克勤、鄺美雲、梁漢文、楊千嬅、汪明荃、陶大宇、陳展鵬、袁偉豪以及炎明熹、姚焯菲、鍾柔美等。而下星期將有更多藝員、歌手陸續加入支持,希望為全港市民同心抗疫打氣!