東網電視
更多新聞短片
無綫花旦競爭激烈，唔單止備受港劇迷關注，就連內地網民都熱烈討論，近日就有內地網民分析出無綫花旦嘅最新勢力排行榜，直指「4大花旦」再執位，視后蔡思貝及早已躍升成為視后大熱嘅龔嘉欣繼續保留花旦之位，相反余詠珊一手捧紅嘅張曦雯，則因「余」黨敗走而跌出花旦之列，改為出爐視后林夏薇頂替其位置，至於「港區視后」李佳芯因昔日政治風波而不被內地網民列入考慮，而一直被睇好嘅花旦馮盈盈，因近日爆出犯3宗死罪，遭飛出新劇兼掟入雪櫃，故亦被剔出花旦名單，昔日嘅「4大花旦」只剩「3大花旦」，而二線花旦則分別有陳瀅、王敏奕、何依婷、鄧佩儀、劉佩玥、姜麗文、湯洛雯、劉穎鏇、陳曉華及江嘉敏等。張曦雯接受東網訪問，她表示今日全日都在開工，又表示無論排幾線位都好，都會做好自己！
出爐視后林夏薇當然成為新嘅「3大花旦」之一。
視后蔡思貝有得留低。
內地網民亦睇好龔嘉欣攞視后只係遲早嘅事。
李佳芯唔入圍。
近日被雪嘅馮盈盈一樣出局。
張曦雯同樣降呢。
