東網電視
更多新聞短片
視頻觀看次數: 5.3k

無綫都市奇幻喜劇《雙生陌生人》今日(30日)在電視城舉行記者會,一眾藝人馬德鐘、湯洛雯(靚湯)、陳煒、何廣沛、蔣家旻和徐榮等現身,馬德鐘出場時扮徐榮劇中飾演的智障角色,戴Cap帽穿吊帶褲,跳跳紮出場,還走到靚湯身邊叫『我愛你,風姐』。」而徐榮出場造型更爆,扮成靚湯角色,戴假髮穿高衩裙和高跟鞋,露出飛毛腿,扮相惡心。大會最後給靚湯送上蛋糕預祝35歲生日。
馬德鐘表示扮智障是想挑戰自己,覺得佻脫又好玩,不覺辛苦,他說:「都唔夠拍呢部戲辛苦,拍《雙》等如拍咗兩套半劇。」靚湯都戥馬德鐘一人分飾兩角辛苦,成日要問他現在是「高收成」還是「巫祺男」,因在農莊取景日晒雨淋。
談到與兩女角有否親熱戲,馬德鐘輕描淡寫稱只有少少,陳煒即反駁:「咩少少,翻雲覆雨呀!我着住絲質睡衣,真係好性感,好驚跌出嚟,驚見到啲唔應該見到嘅嘢,好暈。」馬德鐘稱會已好好保護她,但問到眼睛望邊度時,他搞笑說:「盡量反白眼。」

馬德鐘扮智障係想挑戰自己。

馬德鐘同陳煒(左)、湯洛雯都有親熱戲。

陳煒喺劇中會同馬德鐘「翻雲覆雨」!
拍親熱戲會同馬國明講聲
靚湯稱與馬德鐘有錫戲,有同男友馬國明備案,她說:「佢話又有錫戲,上次錫完黃子恆,好似同期同好多男人錫,其實兩部劇分開時間好耐。」馬徳鐘講笑今日宣傳有冇備案?她稱每次拍親熱戲才會講聲,不算備案,男友亦會跟他說,覺得是互相尊重。
談到馬國明現在港,已拍完《法言人》,未知生日如何慶祝,笑言應該會一齊過:「要畀佢踢波,一個好嘅女朋友要畀男友去踢波。」她稱與男友相處習慣並非節日才送驚喜:「可能生日正日乜都唔做。」

馬德鐘同湯洛雯有錫戲。

湯洛雯每次拍親熱戲都會同馬國明講聲。

點少得生日蛋糕!