港版《華燈初上》佛山開鏡 楊明陳法蓉超豪伙食曝光

20220508
東網電視
更多新聞短片
TVB新劇《一舞傾城》被喻為淘港版《華燈初上》,據知演員陣容有姚子羚、楊明、蔡潔、陳法蓉、傅嘉莉、莊思明和陳聖瑜等,睇氣勢一啲都唔輸原版、被推為台灣「神劇」嘅《華燈初上》,早前無綫高層樂易玲亦曾晒大合照,陪眾人去到佛山開鏡,認真大陣象。
原來《一》未播出已經夠晒威,當中有份拍攝嘅演員王俊棠就拍低短片,晒出劇組嘅豪華伙食,晚餐勁豐富,有燒鵝、蒸魚、海鮮等等,唔講仲以為係要擺酒宴客,當中楊明、莊思明同黃柏文等又齊齊埋位等食,搞到網友對新劇都好期待,等睇到時邊個可以撼得贏林心如飾演嘅「Rose媽媽」。網友亦大讚一眾演員,雖然同枱食飯,不過大家未開飯時都戴上口罩交談,做足安全措施防疫。