神級演技︱陳豪晒微表情稱帝　17秒搞喊網友

視帝陳豪人氣高形象好，最近佢就聯同老婆陳茵媺（Aimee）為網購平台拍廣告，電影電影《逃獄兄弟3》又見到佢身影，百足咁多爪嘅佢，原來喺周二（17日）佢仲開咗個短片平台，連日上載咗3條片，即刻引嚟超過28萬人Follow，其中一條片就已經衝破65萬點擊量！

今日係5月20日，喺「我愛你」呢個大日子佢就上載咗同老婆嘅合照同婚照等，認真Sweet爆；第1條片佢就宣布自己進駐平台。講到佢最巴早閉，就一定係佢第2條上載嘅微表情演戲片，佢靠眼神做戲，由開頭嘅Bling Bling眼神，到後面慢慢變得暗淡無光，短短17秒就足以搞喊網友，仲有好多人留言話睇咗條片幾百次，次次都Touch到佢哋個心，仲大讚男神係神級演技，拍爛手掌。