小塵埃新歌MV下白泥取景 玩煙花意外受傷

2022年05月21日 11:11
東網電視
更多新聞短片
組合小塵埃的新歌《finish it don't quit》以英語為主,加入了幾句廣東話作對應,歌曲將情侶間矛盾真實呈現,就如同拍拖多年的Pollie和Jonathan是一凹一凸無縫的合拍,而Jonathan所唱的幾句歌詞,就好似情侶爭吵,但最終因為想到戀愛的初衷,回到愛情起點,令矛盾化解兼將關係昇華,相信也是每對情侶均有的經歷。MV在下白泥拍攝,成員Jonathan說:「原本MV製作團隊希望係朝早拍嘅,感覺比較陽光,但我覺得歌曲呈現嘅感覺係黃昏mood,所以要求夜一啲先拍,出來嘅效果我哋非常滿意。」
其實當日拍攝時出了小意外,有一幕需要拿着燃點中的煙火,Pollie不小心被手上燃點着的煙花灼傷,Jonathan說:「睇到佢整傷我梗係緊張,好彩只係輕微咁受傷,但我點都擔心嘅。」拍攝現場地面充滿泥濘,一向有點潔癖的Pollie怕弄髒鞋子,Jonathan二話不說就抱起女友跨過去,贏得工作人員讚賞,兩人無論歌曲NV定現實生活都一樣sweet爆,羨煞旁人!