東網電視
更多新聞短片

由萬綺雯主演嘅亞視劇集《我和殭屍有個約會》,相隔多年仍係唔少人心中嘅經典之作,最近有消息指劇集將會翻拍電影版,搵嚟萬綺雯老公陳十三擔任兼監製、編劇及導演,並改名《我和馬小玲有個約會》,計劃將於10月開拍。而演員陣容亦率先曝光,除有指會有原有班底參演外,有傳原定薛凱琪會接棒萬綺雯,飾演新版「馬小玲」,不過最終未能洽談成功而換人,至於男主角「況天佑」則有傳由黃宗澤擔正。至於萬綺雯亦會出山撐老公客串一角,兩代「馬小玲」同場演出!

《我和殭屍有個約會》翻拍電影版。

萬綺雯雖然唔做「馬小玲」,但亦會回歸客串。

黃宗澤擔正做新版「況天佑」。