河北彩花 隆重復出萬人迷

20220525
東網電視
更多新聞短片
河北彩花休息咗兩年幾之後隆重復出,而且各方面都比以往更出色。(互聯網)
日本AV界久不久就會有女優隆重回歸,初時都會引起哄動,但係好快就會氣勢轉弱,好似晶艾莉咁復出之時一度人氣回彈,不過升勢卻難以保持。不過河北彩花卻例外,皆因佢天生麗質,復出後更加搖身一變成為萬人迷。
絕色高妹
周不時都會有朋友問我近年有邊個AV女優值得追捧,而我嘅答案都會有一個花字,因為名字中有花字嘅好多都係極品女優,例如已經引退嘅明日花綺羅,近年相當受歡迎嘅輕熟女山岸逢花以及模特兒質數嘅星宮一花等,當然唔少得今日同大家見面嘅河北彩花啦!
今年23歲嘅佢,幾年前出道之後就消失咗,直至上年年尾復出,雖然樣貌比以前少咗幾分少女味,但卻多咗份綺麗高貴氣質,比起幾位以絕色美貌聞名嘅女優如友田彩也香、愛音麻里亞絕不遜色!身材方面,亦比初出道時更加纖巧,配上大小適中嘅C奶以及雪白肌膚,可以話相德益彰,加上本身有成5呎6吋高,令整副胴體顯得曲線迷人!
可愛又性感梗係得人鍾意啦!(互聯網)
佢初出道時有「透明感之王道美少女」稱號。(互聯網)
有前有後冇得輸啦!(互聯網)
氣勢更強
彩花喺2018年4月登場,擁有「透明感之王道美少女」稱號,由於外形吸引,初出道就吸引到廣大AV迷支持,作品銷售成績亦相當理想,當其時喺AV銷售網FANZA嘅銷售排行榜最高銷量作品10強之中,有3部作品都係由彩花主演。另外,出道作更加榮獲FANZA成人大獎嘅「動畫部門獎」及「出租部門獎」,真係威過威士忌呀!
不過彩花唔係威得好耐,唔係話佢好快就人氣下滑,而係阿妹只係為AV大廠S1拍咗6部作品後就神秘引退,有消息話原因係佢拍AV嘅事情被家人發現後極力反對喎。正因為彩花曇花一現加上演出質素極佳,引退之後令到好多AV迷牽腸掛肚,不知幾期待佢復出。直到上年年尾,彩花終於回歸,而且氣勢仲比以前更勁,無計啦!復出後唔單止索過之前好多,演出仲比以前更加出色,推出嘅新作好多都榮登周間銷售榜冠軍添!至於點解會突然復出呢?彩花表示做一般工作完全冇成就感,都係拍AV最能夠贏得大家嘅認同及讚賞喎!
花妹美貌絕色,身材亦高挑婀娜。(互聯網)
佢話拍AV好有成就感,於是回歸AV界再為大家獻技。(互聯網)
Profile
年齡:23歲
身高:5呎6吋
三圍:34C-23-33
復出之後嘅河北彩花活動多多,從其社交網中就可以了解到其工作內容,另外亦可以欣賞到好多花妹拍低嘅靚靚寫真照。