曾志偉回應ViuTV買「獎門人」商標：佢哋放棄咗

無綫總經理曾志偉出席無綫《周年慶典節目巡禮 2022》，席間被司儀鄭裕玲問到，可會擔任今屆港姐司儀，事後志偉受訪時表示要睇情況：「我都冇做6、7年港姐司儀，舊年見丁子朗同周嘉洛做司儀表現幾好，畀佢哋試吓，工多藝熟，子朗識執生，嘉洛就有做司儀嘅潛質，所以參與度多就會更加熟練。（咁你有冇技癢想再做司儀？）有少少啦！」

去年有份面試港姐的他，對於今屆港姐計劃到日本外景，坦言已跟日本總領事方面商討：「佢哋都有少少貼士話可能會放寬，如果返香港唔使隔離，我都有機會隨團。」對於有指ViuTV購買了「獎門人」商標，志偉說：「佢哋放棄咗，可能最初對方想邀我去做呢個節目，但依家已經無條件放棄，公司都登記咗買番個商標返嚟。」