李佳芯自爆戲假情真 對人夫嗒糖:如果佢未婚會中

2022年06月05日 16:01
東網電視
更多新聞短片
視后李佳芯(Ali)近日亮相楊詩敏(蝦頭)及連詩雅主持節目《絲打圍爐》,大談拍戲戲假情真,Ali雖自言識得控制感情收放自如,但亦坦言曾對對手心動,對方仲要係有婦之夫:「阿Mo(陳豪)囉,我好多套劇同佢一齊拍,《跨世代》開始熟,劇中我哋係一pair,因為阿Mo真係一個好Nice嘅人,無論戲內戲外都好照顧,佢係一個好好爸爸、好老公。有一刻會諗呢個男人,如果我早幾年入行,如果佢未結婚,真係會中,因為佢真係一個太好嘅男人。」
佢又續指自己性格獨立,拍拖時對方感受不到被需要嘅感覺:「我冇畀到對方,我好需要照顧嘅感覺,佢成日覺得我可以自己搞掂,我會覺得唔好煩,自己做到就做,其實好蝕底。」