東網電視
更多新聞短片
人氣男圑MIRROR成員盧瀚霆（Anson Lo）於8號推出全新跳唱歌曲《King Kong》，首次兼任MV導演，以Virtual Background（虛擬背景）拍攝超現實故事情節。MV靈感來自《移動迷宮》系列電影，他希望能向電影致敬，所以MV的開場參考了電影：「喺升降機上咗嚟之後，就去到一個乾旱嘅沙漠，為咗爭一支水而展露咗唔同人性嘅決定，作出乜嘢選擇，其實成個故事配合番歌詞內容，比喻人為求要得到想擁有嘅嘢而競爭、比賽，但其實好多時同自己比較或者贏自己之餘，好大機會可以一齊贏，一齊擁有一個好好嘅成果，可以分享。」
他覺得今次製作MV壓力無比大！
親身上陣拍攝拳拳到肉的武打場面！
首次兼任MV導演！
首次擔任導演，他形容是很驚慌的體驗：「冇諗過自己要參與嘅部份有咁多。以往自己Expect（預期）做導演可能只係諗MV橋段，着乜嘢衫，好片面嘅設計概念，但今次執導之後，就發現好多嘢都要顧及，除咗要顧及Storyline（故事情節），仲要顧及幕後製作，例如Rundown（流程），或遇到困難時，要調度拍攝次序，甚至演員演繹方法、情緒，導演都有責任去講，去主導呢件事，發現自己好多嘢都唔識，喺幕後管理方面又係唔識，要人哋教我點去做稱職導演。」
執導之後發現好多嘢都要顧及！
是一次驚慌的體驗！
很多畫面都要配合虛擬背景！
他覺得今次製作MV壓力無比大：「如果話自己係呢個MV嘅導演嘅時候，就好似MV 100%好與壞都完全自己造成，所以由Day 1開始都好想make sure（確保）MV質素係好，或者表達故事同首歌詞係本身sync（同步），呢個係最大壓力來源。」
穿上背心大騷麒麟臂！
另一個壓力來源，就是拍攝上的不確定，很多畫面都要配合虛擬背景，於現場同步處理拍攝，過程中困難重重：「以往都試過book酒店或用廠景拍攝，但今次用咗虛擬背景，喺虛擬世界，就乜嘢都有可能，就算空間感、大細，同背後物件距離都可以自由調節，係好大嘅自由度，但佢嘅困難度唔比實景少，今次拍咗兩日，最大嘅困難係連接上有阻滯，變相用咗好多時間喺轉Set，會用上半個鐘或者一個鐘去重新set up，係好消耗時間嘅一個拍MV方法，但用新方法拍攝係好得意嘗試，可以用到一啲場景係喺香港現實生活中未必有嘅場景，當係喺一個不存在未知世界裡面去進行首歌嘅故事情節。」
由於現場各個場口準備需時，加上拍攝內容甚多，拍攝時間打破了他過去所有Solo MV的紀錄。Anson Lo說：「因為拍嘅嘢實在太多，要分開咗兩日拍，故事情節同跳舞比例比起以往多好多，用咗接近40小時拍攝。以往拍攝Solo MV最多只需20幾個小時，係最長，亦係最攰嘅一次，開拍之前拍緊劇，跟住連續拍兩日MV，中間出席咗個工作event，拍完Day 2後就要立即去拍劇，拍劇後又要再做第二樣工作，結果咁多日只係瞓咗3小時，所以休息時間亦係最少嘅一次。」
挑戰了自己對造型上的愛美標準！
既挑戰導演工作，又挑戰最長工時，還挑戰了自己對造型上的愛美標準，既穿上背心大騷麒麟臂，更滿身傷痕，不再青靚白淨！他笑言：「係自己史上最污糟邋遢、最不修邊幅，對我Standard嚟講係好大膽挑戰，因為我通常着長袖，得兩件Layer算少，而且一定長袖、西裝居多，希望今次MV會令大家覺得同以往嘅Anson Lo嘅跳唱造型有啲唔同。」
Anson Lo於MV中亦有親身上陣拍攝拳拳到肉的武打場面，他說：「今次嘅動作亦係以往拍戲時未試過，拍攝《假冒女團》學咗好多同功夫、踢腿，今次嘅打鬥就比較貼地少少，但今次用嘅trick（招數）係我未試過，例如趴地被人拉去後面。」
