阮小儀On仔「經歷生死」　新節目集集有催淚位

藝人阮小儀及陳健安（On仔）出席ViuTV節目《21克公寓》記者，二人首度合作當主持，將於節目中與嘉賓們了解「死過翻生」經歷。雖然每個故事不乏催淚位，小儀坦言節目並非會令人情緒崩潰，但當中一集訪問陳敏兒，細聽她分享照顧丈夫患病日子的接觸、摸手情景時，即令她想起自己照顧爺爺臨終前的日子，很有共鳴，當刻投入到忍不住流眼淚，結果敏兒要反過來安慰她。

而On仔亦有於節目內分享照顧爸爸臨終前的經歷，更指節目有訪問已病逝的藝人陳積榮未婚妻：「佢分享同積榮嘅經歷，我係未聽過，當中都有提到佢哋點認識嘅甜蜜故事，同埋訪問當日咁啱係積榮離世一周年，所以佢都有喊，個悲傷都係未走到出嚟。」小儀透露節目也有訪問不同服務接近死亡的人士，望藉此告訴大家，不少誤以為自己是最慘，因為世界確實有很多擁有相同經歷的人：「應該要留番條命，因為最後嘅轉變係估計唔到，可能會令到個生命更燦爛同精彩。」