東網電視
更多新聞短片
陳庭欣（Toby）一身古裝公主造型為參加《好聲好戲》的黃俊豪助陣，合作聲演佘詩曼與陳豪《公主嫁到》一幕。首次穿古裝的Toby指為了這次聲演，特意看了該段戲過百次，她說：「雖然平時有同《東張西望》錄音，但配音就係兩回事。」
Toby更透露為了有好表現，邀請黃俊豪登堂入室練習，更煲湯讓他補聲。問到男朋友可有呷醋？她笑說：「佢顧住打機冇理我哋，問佢表現點，佢敷衍話ok啦，反而我隻鸚鵡聽咗好多次我講『刁民』、『刁婦』，希望佢唔會學識講刁婦啦。」
陳庭欣亮相《好聲好戲》搶晒鏡。
重演佘詩曼《公主嫁到》一幕。
雖然只係助陣，但都好認真練習。
搵埋男拍檔返屋企練，好在男友冇呷醋。
