王智騫夥拍MIRROR成員拍劇靠騷肌搶鏡

ViuTV重頭劇《I SWIM》即將播映，劇中MIRROR成員Edan和Stanley，及魏浚笙個個都有樣有身材，當中「肌肉擔當」原來另有其人，就是現年25歲的王智騫（Martin）！

Martin表示：「我估因為自己腹肌睇落比較勁，所以做咗呢個擔當。」拍攝游水戲時，密密操練，谷出6嚿腹肌，Martin稱就算劇集拍完，他仍堅持每天做gym，故身形未有「走樣」。日前他現身記者會，以開胸裝上陣，小露怡情，相對現場個個着住冬天衫，他變相着得最少布，他笑說：「估唔到佢哋個個都咁密實，着晒樽領同冷衫，好似冬天咁，我覺得自己比較清涼。」