東網電視
更多新聞短片
人氣男團MIRROR成員陳卓賢（lan）的新歌《Distance》終於趕在演唱會前在今日（15日）面世，新歌由lan作曲，詞則由他與T-Rexx聯合填寫，內容關於人與人間的距離，最後甚至學會沉默、收起情感去保護自己，MV中他亦全程以Poker Face示人。lan為力求完美，主動要求重錄新歌，將最好的呈獻給樂迷，他說：「聽完覺得自己唱得唔好，仲有進步空間，Vocal係同之前有啲唔同，唔知大家聽唔聽到，我自己真係幾鍾意，都希望大家鍾意。」
為新歌全力以赴！
喜怒不形於色！
講到歌名，lan表示打從Demo時已經決定好，是講述一段關係的距離：「係源自於一段關係曾經好Close，演變到無以前咁好就會開始慢慢覺得有一段距離。距離如同封閉自己，曾經喺一段關係、一件事上放咗好多心機，用心去經營，付出好多，但結果唔係理想中咁，彼此愈走愈遠會有唔甘心，傷心失望會令你封開自己，以免自己再受傷害。」所以今次Ian在MV中不會有太大情緒起伏，由開始接受傷心不懂反應，到強迫說服自己接受，Poker face會一直存在，像歌詞「撲克式的臉」喜怒不形於色，是一種保護自己的意識。
問到lan予人性格內斂、收埋自己，是否都是一種自我保護意識，lan笑言：「可能我畀大家誤會，冇表情就係嬲或者唔開心，就好似大家俗稱嘅黑面，但其實唔係，真實我成日都放空發呆，唔係有咩情緒，純休息狀態。」lan亦補充有些人外向、有些人較內向內斂，內斂的人性格就可能收埋自己，好少將情緒掛在口邊，但這是他的性格亦不代表這就是負面。
新歌內容關於人與人間的距離！
創意十足！
在歌曲創作上，lan繼續身兼作曲外，自《Got U》與T-Rexx首次合作後，今次再找來他填詞，lan說：「上次《Got U》合作好開心，所以直接問T-Rexx有無興趣一齊寫，而因為一齊寫就傾咗好耐，大家都諗咗不同故事，然後一直修飾到現有版本。」不過原來現時出街版本是重錄，lan解釋之前瞓覺聽、刷牙沖涼聽是Demo版本，但在歌曲錄完再完成後期後，lan反而明顯少聽。在他認真再三聽過幾次後，發現原來是自己問題：「聽多幾次係自己唱得唔好，所以喺度同喲合作單位致歉，始終麻煩到大家。但我諗法係一日未面世，仲有進步空間，一定要做過最好版本，今次Vocal上大家可以留意吓，希望會俾大家家發現有所不同。」
