ANSONBEAN做妄想症殺手　夏天着冬天衫面不改容

ANSONBEAN（陳毅燊）今日（16日）出席新劇拜神，在炎熱天氣下，穿着冬天衫，依然面不改容，他透露劇中飾演一名殺手，造型上則大賣關子，他說：「我係一個有超級英雄主義，兼有妄想症嘅殺手，造型上幾特別，我都幾鍾意，跟平時嘅自己好唔同，我會有自己嘅標誌。（着制服貼身衫？）都貼身，昨日拍時着背心，拍時要谷一谷，一着背心就要谷。」他透露下周便會拍攝一些動作戲感到好期待，因為一直好想拍動作片。

戲中ANSONBEAN與陳海寧（Dee姐）是徒弟關係，ANSONBEAN和陳湛文更要爭奪她，Dee姐笑言：「現實好少有呢啲時候，畀我滿足吓！（你同Mike導演要求?）我冇咁講呀，唔敢搶做女神，袁澧林係我心目中嘅女神，我好難Sell靚女。」她透露造型上跟自己好大分別，問到是否賣斯文？她說：「我本身係斯文喎！總之好唔同，未必認得我，會有驚喜。」