ViuTV停擺惹眾怒 梁思浩鬧爆花姐不負責任:錢就識袋!

20220805
東網電視
更多新聞短片
人氣男團MIRROR紅館演唱會於上月28日發生嚴重事故,12子即時停工,其公司ViuTV亦立即停止部分運作,社交網更是自意外當日後便完全停擺,未再更新其他節目宣傳,惟此舉卻引起網民不滿,直指不應完全停止更新社交平台,認為其他節目還是有宣傳的必要,如最近熱播的戀愛真人騷《戀愛Staycation》,若ViuTV加強宣傳,關注度定必大大提升,但亦有網友認同ViuTV做法,明白公司上下都需要時間和空間去處理及消化事件。
另外,藝人梁思浩日前主持網台節目時亦有談及MIRROR騷意外一事,更突然怒轟經理人花姐事後「潛水」及甚至未盡經理人責任:「有一個人我覺得成件事係難辭其咎㗎,嗰個就係阿花!你係一個經理人,如果你rehearsal睇到有危險,你需唔需要保護你啲藝人先?幫你搵錢㗎喎!你袋錢就袋落袋啦?阿花,老老實實啦阿花,如果你係呢12個細路仔嘅經理人,你有睇rehearsal㗎嘛!你有去睇㗎!如果你話畀我聽你冇睇,仲衰!你如果作為一個人嘅經理人,你袋緊佢錢㗎!我真心講呢12個細路仔,你袋緊佢錢㗎!你袋錢嗰時就識袋,到佢哋有事嗰時,你係完全,係完全消失天與地。同埋你當時你係一個經理人,又或者係監製,你覺得有危險,係咪要出聲先?因為所有幕後嘅人已經開始講,其實rehearsal已經有危險,rehearsal有危險,你唔係新人嚟嘛,你做得監製,你錢就袋落袋,責任唔使你孭啊?呢個世界冇咁唔使找錢嘅午餐㗎!」
雖然MIRROR現正停工,但有消息指以「MIRROR出埠搵參賽者」作招來的重頭節目《全民造星V》,由於早已吸引大量贊助商故不能煞停,只會延期播出,至於Lokman及AK能否照原定計劃到加拿大拍攝則是未知之數。據知,節目決定停工並暫停下星期的海選,原定節目在10月開始拍攝,現會延期至今年底或明年一月才會開始海選。節目《全民造星V》由定今年12月播出15集,到下年再播5月15集,現改為明年5月才播出30集。有關海外參賽者部分會照保留,他們將會推出採用Zoom和親自飛香港參賽方式,不過Lokman、AK暫定不會再赴加國,至於任何詳情會於下星期一(11日)公布。