東網電視
更多新聞短片
藝人王梓軒與姬素‧孔尚治（Crisel Consunji）今日（7日）到九龍灣出席慈善活動，合作獻唱之餘還分享情緒問題及抗壓心得。梓軒難忘疫情期間曾一度滯留美國，當時全個娛樂行業停擺：「作為表演從業員，當時懷疑自己係咪冇用，後來用啲時間創作、寫劇本同埋做監製等，人生開始有番動力。」
剛為人母而從事教育事業的姬素則尤其關注小朋友情緒問題：「要從小培育佢哋表達自己嘅心情，同埋相信身邊嘅人，願意分享自己嘅情緒，呢樣好緊要。」今日是其囡囡剛巧3個月大，難怪她歸心似箭，笑言「趕住返屋企餵女」。
本月尾梓軒與姬素合作有3場音樂劇演出，首次合作的二人默契十足，梓軒更大讚對方說：「佢大肚接咗今次演出，點知最終延後咗6個月，但佢生完真係搞得掂，依家除咗同我哋綵排之外，仲要顧住教書，又要照顧家庭。」據悉，早前音樂劇班底有人確診，Crisel丈夫更一手包辦湊女工作，叫妻子隔離，幸而最終只屬虛驚一場。問到Crisel有否興趣再拍電影，她坦言：「只要劇本及角色適合的話，隨時樂意。」
王梓軒同姬素首次合作就擦出火花。
王梓軒難忘美國滯留經歷。
姬素生完都極速收身。
