唐韋琪好榮幸同埋特殊兒童拍新歌MV：唔使怕旁人嘅眼光

歌手唐韋琪（Vikki）最近更義務為一個藝術善基金會灌錄會歌《隨時發現愛》，並安排自己的唱歌學生與多位特殊兒童一齊拍攝MV，日前大會搞了一場電影會及新歌發布會，Vikki表示覺得好榮幸參與今次善舉：「佢哋服務對象主要係特殊需要嘅家庭，佢哋出外睇一場戲係好困難嘅一件事，除咗交通問題，主要喺在電影院裏，特殊小朋友可能會吵、會發出噪音，咁就影響到其他睇戲嘅人，所以，好多特殊家庭係冇帶小孩去戲院睇戲，連去睇電影，都係佢哋嘅一個心願。基於呢個原因，今次大會諗到包場睇戲，家長可以唔驚影響人哋，唔使怕旁人嘅眼光。特殊小朋友都可以體會睇戲嘅樂趣，從而學習社交生活。」