唔鍾意搞大龍鳳！簡淑兒叫麥大力試吓求婚

藝人簡淑兒穿上一襲簡約婚紗，今日（11日）在西貢一間酒店出席婚嫁活動。與麥大力蜜運中的她被問到是否趁機取經？她笑說：「我睇咗10年喇，係差個新郞。（有冇傾過結婚問題？）冇，自己唔鍾意計劃，覺得嗰刻發生嘅就會發生，佢講笑就有講嘅。（求婚會答應？）你叫佢求吓就知。自己唔鍾意拍晒片大龍鳳求婚，簡單兩個人就得。（閃婚？）唔知，好睇嗰刻，順其自然啦，唔會為結婚而結婚，自己相信結婚係一生一世。」

離開無綫回復自由身的簡淑兒將為香港開電視到英國拍攝旅遊特輯。將要在當地逗留5星期，這次是與男友拍拖後第一次分開那麼久，男友亦可能會前往探班，她說：「暫時都會繼續保持自由身，感覺好free，做藝人就係想試多啲唔同嘅嘢講。」講到麥大力是否會做回飛機師，她說：「佢仲有合約，所以唔清楚佢嘅工作安排。」