唐詩詠自認係「白色蠢人」　馬國明自爆咩都怕

藝人馬國明和唐詩詠代表「白色強人隊」為遊戲節目《開心無敵獎門人》進行錄影，2人均表示忘記之前有否上過《獎門人》，又指已經逃避了《獎門人》十幾年，詩詠解釋：「因為我哋唔叻，我個腦好蠢，我哋係『白色蠢人』，唔想觀眾見到我哋呢一面，瓦解咗劇中醫生嘅形象。」馬國明亦自認轉數慢，自言隊中以胡定欣最強，並選了定欣和郭晉安做隊長，問到最怕哪個環節？他坦言：「個個都怕，之前試玩全部都錯晒，睇吓到時避唔避到，希望獎老阮兆祥同錢嘉樂會幫我哋。」詩詠笑言連遊戲規則也聽不明白。另外，講到劇集《白色強人II》，詩詠表示今、明兩集會有轉捩點，並預告：「我全身都會好痛，要放棄一個愛嘅人好痛苦，今晚玩遊戲時好蠢，但劇集就好痛。」