馬國明講明唔會曲線公布婚訊　準備出附屬卡畀湯洛雯任使

馬國明、郭晉安、陳豪、胡定欣、唐詩詠、張曦雯等今日（18日）在油麻地宣傳無綫重頭劇《白色強人II》。馬國明女友湯洛雯近日被人在社交網冒認周圍向人借錢，慶幸未有人中招，馬國明指社交網相當危險，容易遭人冒充，也試過在馬來西亞有人冒認他向粉絲借錢，騙徒的手法認真層出不窮，大家也要警惕。

講到湯洛雯在社交網發放與他攬到實的照片放閃，再又引婚訊猜測，他說：「佢鍾意po乜就po乜，冇乜所謂，我就冇呢個習慣，佢覺得呢張相個氣氛好正。都係嗰句，如果有宣布會同大家講，唔會曲線嘅。」他又指該相由高海寧拍攝，自己也有為女友影相，但拍100張女友有98張也不滿意，要好好向高海寧學習。

講到湯洛雯投訴他未有陪伴過看日出日落，他笑說：「佢成日都唔記得，試過朝早五、六點同佢去跑步咪睇過，我哋已經發展到去晨運，真係一日千里，哈哈。」馬國明與媽媽一向有聯名戶口，問到何時與女友開聯名戶口？他笑說：「遲啲可能要考慮吓，佢成日話首先要畀張附屬卡佢先，遲啲啦，香港男人都要做。」