黃嘉樂結婚︱馬國明髮型成焦點　唐詩詠都認佢唔到

藝人黃嘉樂今日（19日）結婚，馬國明、唐詩詠、林子善、許家傑等一班兄弟齊齊受訪，林子善指今朝（19日）接新娘過程當順利，全因他們有詭計：「今朝玩新郎好多嘢都Skip咗，我哋夾咗遲啲上去嘅，上到去佢哋仲急過我哋，策略成功。」玩新郎環節，見到兄弟們要穿上紅色褲，但唐詩詠冇份，馬國明則解釋說：「呢個係跟生肖嘅，屬豬屬牛先玩得。」唐詩詠則指自己有玩到乒乓球遊戲。

馬國明擔任兄弟團，被問到有沒有學到甚麼？他笑言：「冇，完全冇，將來我結婚嘅話，玩新郎部分全部Cut晒佢，因為我有遊戲恐懼症。」他一頭「塔」髮，成了另類搶鏡，連唐詩詠都指差點認不到他，馬國明辯稱：「我今朝3點幾開始整頭髮㗎喇，但點整都冇用，今日最靚仔一定係嘉樂。」

湯洛雯（靚湯）現身婚宴時，馬國明特登陪女友再受訪，湯洛雯被問到馬國明的「韓風頭」是否她傑作？湯洛雯連聲否認：「唔係，係佢自己主意，呢排佢好鐘意扮靚。（點睇？）好好呀，佢點都ＯＫ架啦。」靚湯指今次終於見到「鐵馬家族」的兄弟，馬國明則指因疫情關係，所以較少聚會，而今日鄭嘉穎因工作未能出現，亦感到可惜。

談到馬國明日前話出附屬咭給靚湯，馬國明緊張搶答：「呢個係我嘅主意嚟，情趣嚟架嘛，你哋都唔了解女仔心態嘅，我出咗張咭畀佢，佢未必用架嘛，係意義上嘅嘢嚟。」

在旁的靚湯則一語道破：「重點係張咭仲未出。」她跟着笑言有這個想法的原因，是他們一起睇戲，戲中男主角出了附屬咭畀女友，她覺得很有型，馬國明便話要出附屬咭給她。

兩人甜到爆，被記者取笑連晨運都做埋，靚湯則表示：「唔係晨運，係跑步，因為我要減肥，佢好好，陪我跑步同打羽毛球，我減肥佢瘦咗。」在旁的馬國明則謂：「唔係減肥，係Keep Fit。」

林夏薇於西貢拍劇時曾中暑，但今晚都畀面現身婚宴，她指跟嘉樂於拍攝劇集《法言人》時認識，當時已覺得他跟女友好甜蜜，仲約定結婚會來飲。