東網電視
更多新聞短片
最近離巢無綫的藝人張達倫為挑戰自己，跳出舒適圈，並立定目標期望10年內奪「最佳男配角」。身為「愛妻號」的他近年經歷喪兒之痛，太太懷孕兩個月小產，夫妻倆互相陪伴走出死蔭的幽谷。
藝人張達倫最近離開效力了18年的無綫，其有份演出的劇集《白色強人II》成為他在娘家的告別作之一。他稱今次最難得是跟相識多年的胡定欣合作：「大家入行前做模特兒就認識，一直以來未試過有咁多對手戲。」
講到離巢，達倫坦言無綫是其舒適圈，台前幕後合作無間，故選擇跳出去尋求新刺激。年屆43歲才走出舒適圈，他坦承也有過擔心：「始終屋企有負擔，我有同太太傾過，佢好支持，而我對自己幾有信心可以行得順，我有個目標係5至10年內攞最佳男配角。」又揚言為角色可以完全豁出去：「幾盡都得，角色層面出發乜都得。（大膽情慾戲？）得，太太好開通，好信任我，完全唔係一個壓力。」回想入行18年，達倫曾試過做唐文龍替身，睡在解剖床上8小時扮死屍被劏肚，全程動彈不得，亦想過轉行，但最終因熱愛演藝而堅持下來。
張達倫走出舒適圈！
感激太太支持！
揚言為角色可以完全豁出去！
達倫不單對事業堅定不移，對愛情同樣專一，他對「愛妻號」美譽自認當之無愧：「另一半好重要，太太打理頭家井井有條，令我放心同專心去工作，亦好享受公餘時間去湊仔，覺得好幸福。」講到愛情保鮮法，他每星期會抽一天放下小朋友，夫妻倆外出食飯過二人世界，每逢大小節日都會手寫卡送對方以表達愛意。
然而，兩人的婚姻並非一帆風順，他們最近剛經歷了一件傷心事，達倫謂：「我哋一直都想為囝囝添個細佬妹，去年底嘗試，好快就有咗，但有咗兩個月，太太就小產。當時盡可能陪伴太太，佢係個樂天同堅強嘅人。依家希望太太養好身體，小朋友個天畀你就有，冇都唔需要太傷心，冇得強求。」
張達倫對於事業信心十足，期望5年內有獎攞。
十分恩愛！
Credit：
服裝: Kenzo
場地: Pazzi Issokenmei
