東網電視
更多新聞短片
藝人林峯現時身在長沙為內地節目《披荊斬棘》錄影，太太張馨月同愛女「格格」雖然都身在內地，不過一家人就兵分兩路，張馨月同格格就返咗娘家同家人及小朋友慶祝中秋，佢更為家人下廚做美食。愛拍Vlog嘅佢又點會錯過呢個機會，見佢着上一身黑色大Tee示人，但當佢煮飯時側身出鏡，竟然見到佢小腹明顯隆起，真係似足7個月孕肚咁巨型，搞到唔少網友猜測佢懷孕，仲留言狂問佢係咪再次大肚，佢即急急回復：「沒懷。」其實早喺上月佢就曾晒出夜蒲相，相中佢又瘦又弗，仲刻意晒出纖細腰枝，睇嚟都只係角度問題啫。
一開始佢就素顏出鏡。
咦…佢個肚…
真係好凸。
第二個角度都係。
中秋仲同娘家過。
上個月佢仲係弗到咁。
親自闢謠！
