東網電視
更多新聞短片
藝人陳豪與太太陳茵媺（Aimee）早前因細女Camilla不幸確診，暫時停拍新劇《羅密歐與祝英台》（暫名），不過喺前日（14日）佢哋正式復工投入拍攝。而日前更曝光咗Aimee新劇嘅造型，見佢換上一頭及肩髮型，配以恤衫長褲短boot，右手手背更有紋身圖案，畀人一種女強人嘅感覺，相當有型靚女。
而Aimee接受無綫娛樂新聞台訪問時，大談囡囡染疫及隔離感受，佢話：「囡囡好堅強，但就發好高燒，頭幾日比較辛苦，可能係小朋友所以Touchwood都康復得好快。（源頭搵到嗎？）工人同司機感染先，可能唔小心帶咗返屋企就傳染到畀囡囡。其實都有少少驚慌，始終係小朋友病，仲要係細女，嗰陣剛開一日工，又會驚互相傳染啦，又怕三個都中招又點呢，所以全程戴住口罩瞓覺！」
陳豪與陳茵媺早前因細女不幸確診，暫時停拍新劇。
日前正式復工投入拍攝。
更曝光了Aimee新劇嘅造型，相當有型靚女。
右手手背更有紋身圖案！
鏡頭前後都相當認真！
大談囡囡染疫及隔離感受，指自己復工後堅持戴口罩瞓覺。
