阿嬌前夫賴弘國升呢人父即發福　囝囝望住靚景飲奶勁識歎

藝人鍾欣潼（阿嬌）前夫賴弘國早前榮升人父，第三任老婆Alice為佢誕下兒子，日前Alice更已經坐完月出關，兩公婆齊齊拍拖食日本嘢慶祝，賴弘國更罕有晒出2人嘅甜蜜合照，仲完全冇遮住太太樣貌，而產後首度露面嘅Alice雖然有啲水腫，但素顏上陣皮膚狀態依然好好，反觀向來大隻嘅賴弘國就肥咗唔少，唔知係咪有仔萬事足搞到幸福肥呢？而佢為免太太操勞，一有時間就做奶爸全力照顧囝囝，呢日佢晒出一張BB近照，見BB頭大大、身長腳長，仲瞓喺BB椅上，望住窗外嘅無敵靚景等爸爸餵奶，認真識歎！