東網電視
更多新聞短片
快將成為人妻的藝人陳煒今日（19日）為無綫劇集《黯夜守護者》宣傳，活動尾聲時劇集監製代眾演員向她送上鮮花及賀卡祝賀結婚，令陳煒感動到眼濕濕，她說：「好驚喜，咁公開收到祝福係第一次。」她稱隨婚期逼近，她亦開始對婚禮着緊，但嫁衣仍未造好，所以暫時未能試身。
她現時仍要為電影《無間一戰》開工，加上又要籌備婚禮，問她可擔心壓力大休息少而影響結婚當日狀態？她說：「我冇諗過休息，我尋日開工都拍到凌晨4點，我只係結婚當日攞咗一日假，應該會分兩日食飯。（驚唔驚結婚時皮膚狀態唔好？）我都冇時間做啲深層次護理，只係可以做啲表面嘢，整頭同整指甲。」
她談到日前為《無》開工時，在無預警下拍攝一場爆炸戲：「雖然個爆炸係做後期電腦特效，但我要做反應，講我開車門時突然爆炸，成個人向後飛，不過地下得一張塌塌米墊住，如果太多會穿崩，我助手擔心我婚禮前受傷，反而最擔心，不停叫我小心啲，唔好做咁大反應。」
陳煒收到鮮花及賀卡祝賀結婚。
陳敏之（右）都有恭喜陳煒！
陳煒同粉絲大合照！
不過陳煒連嫁衣都未造好。
