傳王嘉爾被平台封禁　知情人稱已成高風險藝人？

自從內地藝人李易峰涉嫖事件曝光後，唔少網上傳言即將會有多位小生被爆醜聞，當中就包括「人氣王」藝人王嘉爾，雖然早前佢對自己捲入事件而躁爆否認係時間管理大師，不過近日有網友指，喺某內地搜尋平台嘗試搜索「王嘉爾」時，出嚟嘅都係同佢本人唔相關嘅內容，如果只Search「嘉爾」先可以查詢到佢早前上春晚嘅稿件，不過都只顯示得兩單新聞。

網上同時傳出王嘉爾作品內容目前唔會下架，但係如果佢將來「風險」等級提升，對國內資源就會有大影響，更有人自稱係電視台內部人員，已收到通知稱會刪除王嘉爾相關內容，不過該平台上仍能搜到所有王嘉爾參與嘅節目。另外之前某品牌一直預告要官宣王嘉爾做代言人，點知最後官宣咗內地男神朱一龍，疑係因王嘉爾近日太多負面新聞而被換走。

不過近月王嘉爾似乎都開始轉移陣地，目前專注海外市場發展，公開新專輯在後佢一直喺外國開簽售會，仲4日連續開足3場，去足3個城市，加現場流出嘅粉絲合照，雖然佢同女粉絲攬晒合照，不過佢都依然出動「禮貌手」，未有觸及女方身體，被指好有「危機意識」。