陳曉東搭港鐵搵演唱會海報打卡：多咗好多條線唔識搭

歌手陳曉東（東東）與音樂人伍仲衡下午（22日）到港台為節目擔任嘉賓，伍仲衡憶述當年自己第一隻寫給歌手的作品，就是陳曉東唱的《愛你（躲你）》，他還指當年經過時裝店聽到正播放《愛》時開心得要聽完整首歌才離開。

兩人即將合作開戶外音樂會，問到籌備進度？東東説：「約緊服裝師俾衫我試，另外度緊想做多啲互動環節，但未知批唔批，嚟緊10月會開始收埋自己，搵健身教練操下。（秘密練兵到時騷肌？）今次返嚟見咗好多朋友，食咗好多餐飯，最主要想減吓體脂，我依家開始唔食澱粉質，朋友請我食飯我都係食菜食沙律，所以請我食飯好經濟，哈哈！」他又指知道演唱會於港鐵及巴士車身落廣告，日前特意乘搭港鐵及尋找印有廣告巴士打卡：「好耐冇搭過地鐵，多咗好多條線，唔識搭，哈哈。」