Ako K奶大過頭!

20220922
東網電視
更多新聞短片
喺過往咁多年,日本寫真界出現過唔少波霸級女優,無論係優香、小池榮子抑或根本春美,每一位對豪乳都令人難以忘懷,足以列入經典級別。至於喺現役寫真女優中,又有冇呢類波霸存在呢?只要見識過今期「世界Cup」主角Ako嘅驕人身材,答案呼之欲出。
白滑有肉地
講起日本波霸級女優,真係多到數唔清,近排比較活躍嘅例子包括擁有一對L Cup爆乳嘅松坂南、早兩年喺寫真界重新出發嘅柳瀨沙希,仲有今日為大家介紹嘅Ako。論Cup數,後者比前面兩人有過之而無不及,一對K奶嘅尺碼有成43吋,每一邊都好似個人頭咁大!話時話,面圓圓嘅佢,肌膚白滑得嚟又有啲肉地,雖然家陣已經三字頭,依然帶有幾分妹妹仔嘅氣質,美艷程度係就係遜色咗啲,但淨係靠身材食胡都已經穩贏,就算條腰肥咗少少,凹凸感依然好明顯。
最愛玩野戰
Ako喺2017年以寫真女優身份登場,當時嘅藝名叫來栖愛子,可能因為初出道,唔係太識打扮,觀感好啲豬扒Feel,幸好上圍對K奶真係好大,所以唔難喺寫真界掀起話題,而佢嘅事業發展都算係幾平穩,2019年曾經因為轉投另一間藝能事務所而改名,上年又再改用現有藝名繼續發展。現時Ako主要工作係拍寫真,推出寫真碟,同埋出席攝影活動搵真銀。順帶一提,Ako熱愛野外求生運動,因而被選入藝能圈野戰活動團體「CCO1」,除咗有得玩,仲有份參與好多相關活動,可以話係半個網紅。