25歲女歌手被偷拍　文迪疑護「廣告女皇」起爭執

近日有一名25歲姓麥女子報案，指懷疑遭人在西灣河鯉景灣偷拍，同行男士上前追截涉事姓范男子並在地上糾纏，及後到場警員查看范男手提電話，發現電話裏面雖然有不同女子相片，但並非走光照，事後警員登記雙方資料，雙方和解後案件列作「糾紛」處理。不過有網友就對案中女子身份好奇，終「起底」發現麥女疑係曾經參加過ViuTV節目《Good Night Show 廣告女皇》嘅歌手小神經（Chloie），而同行男士則疑似係樂隊ONE PROMISE主音文迪。

對於今次事件，文迪承認自己就係男事主，更稱網上報道同事實根本不符，佢指當時警員發現范男電話中有八張女友人嘅照片，不過佢自己就未有涉及襲擊或打人等罪行，所以警方係冇紀錄佢身份證號碼。