Anton@ONE PROMISE努力造歌 冇時間陪林欣彤

2022年09月25日 17:37
東網電視
更多新聞短片
樂隊ONE PROMISE今午(25日)現身黃埔,為宣傳新歌《I’m Sorry》舉行連串巡迴商場騷,大批歌迷一早到場支持,4子表示將會再有同類演出:「暫時仲有3站,今次主要為新歌宣傳,因為下首歌都錄好咗,要睇吓公司幾時推出,到時會再有演出。」他們揚言會走勻全港演出,視乎歌曲推出時間,又表示很享受商場騷,成員天衡說:「可以近啲同歌迷接觸,同埋光猛睇得清楚大家。(咁近有冇聽到啲令你哋尷尬或難忘嘅說話?)冇㗎,只要你唔尷尬就得㗎喇,哈哈。(頭先大叫靚仔喎!唔會分心?)呢啲係強心針嚟,最好再大聲啲叫。」另一成員Anton指樂隊將於10月底左右推出新碟,屆時將會舉行音樂會,問到全年騷不停又要兼顧做音樂,豈不是沒有時間陪女友林欣彤(Mag)?他説:「Band最緊要玩騷造歌,佢都係努力造音樂。(佢冇投訴?)冇冇冇,非常好添呀。」
另問到主音文迪日前捲入一宗偷拍爭執事件,他指事發後自己亦沉澱了幾天:「當時已經有朋友Send報道畀我,當時大家仲未知係我嚟,之後有媒體同公司都向我求證係咪我本人,其實我之後都將成個事實喺聲明講晒,同埋當日亦有警察到場,證實咗我嘅清白,都唔想喺件事上再評論。」
他亦承認是剛與事件中女主角、歌手小神經(Chloie)發展成情侶關係,本來想待感情更穩定時向大家公開,但碰巧遇到今次事件令關係公開:「佢係一個好女仔,我自己都學習緊點去愛一個人,點做一個男朋友,今次事件令佢好唔開心,依家大家知佢係邊個,佢本身係事件嘅受害者,再睇到啲報道同評論會更唔開心,希望大家可以高抬貴手。」