澄清Easy job　張一山晒軍人劇照推翻嫖娼傳言

內地實力派演員張一山上周忽然爆出大醜聞，指佢「因容留他人吸毒聚眾嫖娼而被抓」，雖然佢嘅工作室急急發聲明闢謠，不過網友都唔太Buy，嗌佢直接去驗尿好過。一直未有為自己發聲嘅張一山，對於被指「電影《老炮兒》中3位男星均有嫖妓」嘅傳言一於少理，即使拍檔吳亦凡、李易峰先後涉黃被捕，佢都堅持埋首開工。

前日（28日）佢就喺社交網晒出新劇《浴血榮光》嘅花絮相，劇中佢演出八一軍嘅軍兵，見佢正氣凜然嘅打扮，加埋晒出《浴》劇本，喺內地對藝人嘅「清朗行動」監察下，若然張一山真係涉嫖，佢肯定唔可以繼續拍攝同國家歷史有關嘅英雄劇，甚至要即時換角，見佢到依家都仲可以開工，已經間接推翻嫖娼傳言，難怪網友都即時收口，唔再嗌佢驗尿證清白。