東網電視
更多新聞短片

0
藝人陳毅燊(ANSONBEAN)、吳家忻及林千渟等昨晚(6日)現身銅鑼灣,出席有份參演的原創劇《她和她的戀愛小動作》首映禮,作為「黃Viu」首部本地原創劇,3人皆表示對成績緊張,相反談到拍攝過程時就直言輕鬆好玩。家忻指劇中她不斷傳授追男仔招數予千渟,笑稱現實中卻剛好相反,千渟則説:「呢啲係自然反應嚟,邊使人教,有好感就會拍拖。」問到家忻劇中是否傳授港女十式?她笑言:「呢啲渣咗喇,係教佢要遲到、擺高姿態、同埋要欲擒故縱。(你都係咁樣收伏林家熙?)我收咗山啦,有第二啲招數,哈哈。」

林千渟話自己對對方有好感就會拍拖,唔使人教。

吳家忻就自言有招收伏男友林家熙。
至於ANSONBEAN則大賣口乖,直言被兩位女拍檔嚇到:「第一日見已經嚇親,因為太靚啦。」話畢即被兩女大讚是暖男,問到他平日有何追女招數?他説:「行過去Say Hi,之從繼續講嘢囉。(有冇試過食檸檬?)會呀,咪繼續講嘢,呢啲撞彩咋,其實係一場賭博。」身旁千渟即表示窮追猛打的男生她未能接受,不過亦很欣賞ANSONBEAN有話直說的性格,坦言最怕「估估吓」。而家忻則笑言寧可ANSONBEAN直接除衫騷肌也不願意聽他不斷說話,讚他身材100分,但細心度卻得30、40分。
劇中ANSONBEAN和家忻有錫錫鏡頭,二人透露螢幕初吻已獻給了對方,又表示拍攝時不會尷尬,家忻説:「因為一切發生得太快。(唔畀男友睇呢幕?)唔會,梗係要睇吓我精湛演技。」

ANSONBEAN賣口乖話被兩位女拍檔嚇親。

係靚到佢驚呀!

不過佢追女就靠狂講嘢。

吳家忻笑言想佢收聲。