經理人結婚　張敬軒6點爬起身做最強伴郎團

張敬軒性格夠貼地，一直都係圈中出名好人緣，今日（15日）係佢經理人結婚嘅大喜日子，同佢情到兄弟嘅好友展開人生新一頁，佢都晨咁早6點幾就喺社交網打卡，指自己已經出咗門口去ready。今次佢亦同樣貼地同成班兄弟團換上同樣西裝，官仔骨骨咁同見人，同一對新人合照時唔介意坐地下擺心心手勢，又戲稱男經理人為「華囡今日出嫁」，非常搞笑。見佢哋成班合照時勁融洽，似乎佢同啲兄弟姊妹團都玩得埋，完全冇距離感，真係Nice到爆。佢甫出大合照時留言：「我親愛嘅經理人今日正式成為人夫了，好感動吖我? 祝李生李太幸福美滿，永結同心❤️❤️❤️ #地主華你要錫老婆吖你」