栢天男新劇本色演出飾演靚仔　同吳家忻舉傘雨中漫步

藝人陳毅燊（ANSONBEAN）、吳家忻（Kayan9896）、林千渟及岑珈其主演的Viu原創劇《#她和她的戀愛小動作》正在熱播，型男栢天男更有份客串，本色演出飾演靚仔，並已於日前的一集出場，劇情講述他在雨中遇到家忻，對方為他遞上雨遮，二人更舉傘雨中漫步，場面浪漫。對於在劇中被稱靚仔，天男笑言沒有壓力：「可能角色係日本人嚟，所以有四個字，自己好容易投入角色，因為我成日都畀人誤會係日本人，其實今次拍劇都好輕鬆，仲可以聯想以前浪漫嘅時光，帶畀觀眾唔同感覺。」

問到今次拍攝可有勾起過往浪漫回憶？他自爆試過有陌生女子在雨中向他遞遮：「有次落雨冇遮企喺十字路口等過馬路，有個女仔主動過嚟遮我，非常感動，大家唔好誤會，最後我冇攞對方電話。（靚仔先有咁待遇？）唔係嘅，香港人好Nice。(接受主動出擊嘅女仔？)OK，香港女仔比澳洲女仔積極，但總不能所有嘢都畀晒個女仔主動，男仔都要有番啲風度。」