東網電視
更多新聞短片
藝人劉俊謙與女友蔡思韵（Ceci）今日（27日）以情侶檔身份出席活動搵真銀，劉俊謙表示已有半年未與女友出活動：「因為之前去咗台灣做嘢，依家終於光榮回歸。（女友迎接你？）佢嗰日要做嘢，所以我光榮背後係孤單嘅，哈哈。」問到情侶檔是否報酬更優厚？他笑言：「錢銀浮雲嚟，可以一齊做嘢嘅喜悅先係無可取替。（即係將今次報酬畀晒女友？）我冇所謂嘅，不過如果將酬勞畀晒佢即係害咗佢，佢唔識得努力咁唔得嘅。」
Ceci也即幫口表示不用給她，非常Sweet，又坦言自己近來工作比較忙，未有時間陪伴男友：「啱啱去完東京電影節，都未有時間煮嘢畀佢食，拍拖都冇時間，咁啱今日可以一齊工作順便拍拖。」劉俊謙補充説：「我都期待食佢煮嘅飯。（最鍾意女友邊道菜？）焗蜜糖雞翼，真係好食！」
談到工作他表示暫時會先作休息，而Ceci則稱要為電影《燈火欄柵》作宣傳，亦要預備開拍新戲，更向男友表示：「我呢段時間要忙拍戲，你自己搞掂啦！」
劉俊謙同女友蔡思韵情侶檔吸金！
劉俊謙話唔介意將酬金畀晒女友。
有冇咁恩愛？
蔡思韵愈來愈多Job！
