東網電視
更多新聞短片
歌手林家謙被爆與nowTV女主播呂德琳（Vicky）關係匪淺，令該台嘅一眾女主播即時引起網民熱烈討論，網友嚴選多位靚女主播，其中於浸大新聞系畢業嘅蘇雯慧，因清純靚樣加上報道時專業表現，被力捧成為新一代新聞小花，最近佢亦開設咗社交網，雖然暫時只得一個發文，就係佢着住畢業袍嘅靚相，但勝在露出一對白滑長腿，加上散發仙氣，已冧暈一眾網友。
蘇雯慧清純有氣質。
仲有一對超長美腿。
至於一直深得網民喜愛嘅林善懿當然再被網民提起，有線主播出身嘅佢，當時已因童顏而獲封「學生妹主播」，隨後轉投開電視並再於2019年加盟nowTV，依然獲得大量粉絲追隨，而私底下嘅佢造型百變，更曾經於社交網大晒旗袍造型靚相，增添古典氣息之外，貼身剪裁更展現美好身段，獲得網民大讚：「咁靚得唔得㗎」、「你個笑容好有女人味」。
林善懿就出名童顏。
有「學生妹主播」之稱。
轉玩古典風一樣駕馭到。
