楊卓娜豪宅接待摘菜　第一代《愛回家》成員合體

依家《愛．回家之開心速遞》係無綫收視保證，入面嘅演員同角色都深入民心，男女老幼都好Buy。不過其實《愛回家》第一輯喺2012年開播之後，都同樣得人like，入面就有劉丹、高海寧、黎諾懿、張達倫、湯洛雯、羅天池、姚瑩瑩等，最近楊卓娜就約埋成班第一代成員合體，同自己設有庭院及農場嘅田園風大宅gathering，楊卓娜囡囡楊舒然（豹豹）仲對張達倫及黎諾懿嘅兩個仔仔照顧有加，齊齊玩摘菜同BBQ，<br/><br/>楊卓娜喺2009年為有過千萬身家嘅「燈箱大王」楊志翹誕下女兒豹豹，二人拍拖12年嚟一直未有註冊結婚，而楊卓娜亦待兩名繼女視如己出。今次見人嘅大宅以田園風設計，設有自家庭院，，可以喺花園BBQ、賞月、裝飾聖誕樹等，非常闊落。加上楊卓娜親自打理自家農場，又種花又種菜，佢亦喺農場內採摘新鮮蔬菜，全家人更會露營野餐，難怪楊卓娜被封為「最強繼母」。