《就是青春》暫定12月17日進行決賽　搵七仙羽做嘉賓

玄學家七仙玄為HOY TV《就是青春》任嘉賓，加持一班學員之餘，亦表明睇好「翻版林家謙」康志維以及洪韻騏（Wincy），康志維得悉獲睇好，搞笑地表示：「咁大鑊！」洪韻騏則指對方除了睇好自己之餘，亦有批她50歲才能嫁人，又話她有爛桃花，真的「愈說愈傷心」！

洪韻騏、梁樂童、康志維、余卓謙等一班HOY TV《就是青春》學員，於大埔為節目錄影，玄學家七仙羽（七師傅）擔任嘉賓，她指今次來做嘉賓之餘，亦會為眾人加持一下添旺氣，她說：「好多藝人畀我加持完都紅晒。（睇好邊個學員？）女仔啲樣差唔多，男仔我睇好康志雄，佢喺咁多參賽者之中，年紀最大同比較成熟，我覺得佢有冠軍相同入硬三甲，同埋佢着紅色，應該係有高人指點過，起碼吸引到我關注，應該會有30年大運行，女仔方面，我覺得洪韻騏唔錯，但運氣爭啲，不過，年紀仲細唔使太擔心。」

有「翻版林家謙」之稱的康志維，對於被七師傅睇好，則受寵若驚，對於對方指他有高人指點着紅衫，則表示：「啲衫係公司安排嘅，我本身好少着到咁鮮色，不過，形象指導都話紅色啱我。（七師傅話你有冠軍相！）咁大鑊，希望啦，都有信心。」

被指是炎明熹勁敵的洪韻騏與梁樂童在節目中對戰，Wincy則指大家感情好，是表演而不是對戰，談到被七仙羽睇好，她則指對方批她50歲才嫁得出，她說：「佢同我講，我50歲先結婚，依家連拖都未拍，佢仲話會有好多爛桃花，惟有希望事業會好。（七仙羽話你啲運爭少少？）我自己唔覺，去到呢個階段都好好運，希望靠實力補救。」

《就是青春》本來逢星期六晚播出，目前已播出5集，不過收視方面只是一般，首集平均收視有0.7點，之後日前（29日）一集只得0.3點（約2萬觀眾收看）收視。有網民發現節目消失於周六的節目表中，懷疑因收視不太好而「被消失」，該節目製作人余詠珊則指因有兩位學員溫曉晴、陳心余，近日確診新冠，影響拍攝進度，故決定暫停3星期播出，並會作出節目調整，她說：「節目會改為逢星期一至五，晚上10點半播出，決賽暫定12月17日。我哋會喺節目加入更多綜藝元素，例如搵咗七仙羽做嘉賓，仲轉咗個更大更靚嘅錄影廠拍攝。（連番改動係咪因為收視未如理想？）其實預咗咁做，只係為回應網民意見，所以提早去做，例如話點解個舞台咁細，我哋預咗會轉個大錄影廠同舞台，依家就盡快去做。」