馬國明澄清婚事仍未落實 談及求婚:唔答你哋

2022年11月14日 20:23
東網電視
更多新聞短片
藝人馬國明出席《無綫電視五十五周年晚宴》活動,有傳聞之後會播映他主演的新劇《法言人》,他表示未有聽聞,又指演員好被動,笑言:「可能聽日又傳另一套呢!呢啲冇乜所謂,由公司決定,我手頭上仲有《法言人》同《隱形戰隊》未播。」說到他明年結婚,怕否到時劇播不能配合宣傳時,他即謂:「我想同大家解釋番,我話結婚嗰件事,並唔係宣布婚訊,只係話有呢個想法,同阿湯(湯洛雯)有呢個共識,各樣嘢都未落實,我一定唔會喺台慶同節目巡禮呢啲時候公布,求婚亦都只會私下做。」問到他求婚未,他笑言:「呢樣唔答你哋嘞!Timing啱就會同大家講,總之我嗰日唔係宣布婚訊啦!我驚《鐵馬》啲兄弟嬲我,點解宣布咗佢哋都唔知。」